‘ஸ்விக்கி’ வசமாகும் ‘டைன் அவுட்’ நிறுவனம்

புதுடில்லி:உணவு வினியோகத்தில் ஈடுபட்டுள்ள நிறுவனமான ஸ்விக்கி, உணவக தொழில்நுட்ப நிறுவனமான ‘டைன் அவுட்’ நிறுவனத்தை, கையகப்படுத்த இருப்பதாக அறிவித்துள்ளது.
இருப்பினும், எவ்வளவு தொகைக்கு டைன் அவுட் நிறுவனத்தை வாங்க இருக்கிறது என்பது குறித்த தகவல் எதையும், ஸ்விக்கி தெரிவிக்கவில்லை.டைன்அவுட் நிறுவனம், 50 ஆயிரம் உணவகங்கள்; 20 நகரங்கள் என, பெரிய ‘நெட்வொர்க்’ வசதியுடன் செயல்பட்டு வருகிறது. டைன் அவுட் நிறுவனத்தை கையகப்படுத்தினாலும், அந்நிறுவனம் அதற்கான செயலி வசதியுடன், தனியாகவே செயல்படும் என்றும், ஸ்விக்கி தெரிவித்துள்ளது.
மேலும், டைன் அவுட் நிறுவனத்தின் நிறுவனர்கள் அங்கித் மல்கோத்ரா, நிஹில் பாக்ஷி, ஷாகில் ஜெயின் மற்றும் விவேக் கபூர் ஆகியோர், கையகப்படுத்தலுக்கு பின், ஸ்விக்கியில் இணைய உள்ளதாகவும் தெரிவிக்கப்பட்டு உள்ளது.